Зорилго: Энэ төрөлд өрсөлдөх сурагчид боловсролын салбарт (үр дүн нь боловсролд ашиг тустай байх) ашиглагдаж болохоор техник хангамж хөгжүүлэх зорилготой.

Хамрах хүрээ: Жишээ сэдвүүд: хүлээн авагч /sensor/, RF /Radio Frequency-радио давтамж/-ээр хянах, IR/infrared-хэт улаан туяа/-ээр хянах, дуу холойгоор хянах, PLC /Programable Logic Control-програмчлалын хяналт/-аар автоматжуулах, роботууд гэх мэт хэрэгжүүлэлтүүдийг боловсролд шууд ба шууд бусаар уялдуулан холбох хэрэгцээ шаардлага бий. Хүссэнээрээ юуг ч сонгох боломжтой. Гарын дор байх ямар ч хамаагүй сэлбэг хэрэгслийг ашиглан, өөрийн оргиналь тоног төхөөрөмжийг угсарч бүтээхийг оролдох хэрэгтэй.

Төслүүд нь өвөрмөц байх шаардлагатай. Оролцогчид зохиогчийн эрхийг зөрчилгүйгээр эх сурвалжийг дурьдаж төслөө баяжуулах боломжтой. Энэ зөрчил нь төслийг хүчингүйд тооцогдох шалтгаан болно.

Тайлан: Хэлэлцэж буй судалгаа шинжилгээ, хөгжлийн ажлыг хэрэгжүүлэх төслийн үе шатуудыг тайлан хэлбэрээр бичнэ. Урьдчилсан шалгаруулалтыг тайланг үндэслэн дүгнэнэ. Финалд үлдсэн төслүүд илтгэл тавихдаа жишээ загвар авчрах шаардлагатай.